الأحد، 8 فبراير 2009

اللي انكسر.. يتطوح

أخيرااااااااااااااا
وبعد طول انتظار
الشاعر الجامد جدا قوي خالص
أحمد شلبي
المدون صاحبنا: دكتور زيفاجو
طلع ديوانه الشعري اللى انكسر يتطوح
انا مش هاقدر اتكلم عن الراجل ده لأني مهما اتكلمت عنه كشاعر فامش هاقدر اوفيه حقه
ولو اتكلمت عنه كبني ادم وكصديق
برضه مش هاوفيه حقه
اللي يعرفوه هايأمنوا على كلامى
واللى ما يعرفوهوش.. ادخلوا مدونته او هاتوا ديوانه وانتو تعرفوه
واتحدى أي شخص يقدر يقاوم سحر كلماته وابداعه اللي فاق الوصف
هاتقولولي انا باقول كده ليه دلوقتى
اخونا وحبيبنا عنده حفله توقيع
أي والله.. حفلة توقيع وندوة شعرية غنائية هاتتعمل في ساقية الصاوي يوم الخميس الجاي
12 فبراير الساعه 7 مساءا فى قاعة الكلمة
***
ملحوظة: وكالة وينكى للدعايه والاعلان متوقفة بقالها فترة
وأهي رجعت تاني تشتغل عشان لقت اللي يستحق انه يتعمله دعايه
ألف مبروك يا زيفاجو.. وان شاء الله هانشوفك كلنا يوميها
ماتتأخروش بقى يا شباب
الراجل بورسعيدي وحاسس انه مالوش ظهر فى القاهرة
عاوزين نبينله قد ايه المدونين عيلة وظهر وسند
:)

5 حط دماغك:

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

Zika يقول...

مبروك الكتاب
ودايما كده في نجاحات وتفوق
وصلي الرساله دي لصاحب الكتاب
سلام

أبو أمك يقول...

هانقعد ندور عليكي في كل حتة ؟
ده إيه وجع القلب ده

micheal يقول...

كفاية كسل بقي
بوست جديد بسرعة
يلا
:)

وينكى يقول...

م. الحسيني لزومى
هى فين طيب؟
زيكااااااا
الله يبارك فيك بس كنت عاوزه اشوفك هناك
انت تسأل والكمبيوتر يجيب
حاضر ان شاء الله
ابو أمك
اللى عاوزني يجيلى يجيلى انا مابروحش لحد
:q
مايكل
البوست وصل
تعالى يوميها بقى
D;