السبت، 19 سبتمبر، 2009

ايه الحياه؟

 

 

بقالى كتير قوى ما كتبتش

بيتي ده وحشنى قويييييييييي

قد ايه احساس صعب لما تتحرم من حاجه انت بتحبها

هو مش حرمان حرمان يعنى.. بس مشاغل الدنيا

لا برضه

مش مشاغل الدنيا

احيانا باحس انى مش عندى حاجه اقولها او اكتبها

وأحيانا بتبقى عندى افكار رهيبه وانا باكسل اكتبها

ياساتر .. عمرى ما كنت كسليه كده

ايه اللى حصل

الله يرحم أيام ما كان الناس بتشتكى من اسهال البوستات اللى بانزله

خمس بوستات فى يوم واحد.. يابلاش

عادى بقى

هي حالة زهق وهاتعدى

طب هل دا يمنع انى اروح للناس وازورهم واعلق عندهم زى الأول

مش عارفه برضه.. انا حالتى النفساويه مش متضبطه

مش عايزه ازور حد واقراله لمجرد انى اعمل معاه واجب

باحس ان ده ضد الحريه.. ازورك عشان انت زرتنى

بالضبط نفس احساسي بالضيق من اللى بيدخل ويرميلى

(مشكور ما قصرت).. بتاعت المنتديات اياها

انا عارفه ان احيانا الواحد بيقرا ومابيبقاش عنده انطباع معين لسه وعاوز يسجل حضور

بس انا عاوزه تفاعل اكتر

دا ان شاء الله لما اكتب حاجه تستاهل يعنى

عاوزه نقد

ناس تقولى دا صح ودا غلط

عاوزه حماس فى الدنيا البارده اللى فقدت الحماس دى

يمكن دى الحاجه الوحيده اللى ترجعنى من كموني وبهاراتى كلها

طرفه هبله بس جت على بالى.. عادى بقى

:p

كل سنه وكلنا طيبين بمناسبه الأجازة اللى هاتخليني اتهد فى بيتنا شويه

بصراحه انا بطلت احس بالعيد من كتير قوى

العيد اللى أخاف اخرج فيه من بيتي لحسن حد يسرقنى او يغلس عليا ما يبقاش عيد

باقعد فى بيتنا حاطه ايدي على قلبي واقول يارب حالة السعار تخلص

همممممممم.. كنت عاوزه اتكلم فى

الموضوع ده بس فى بوست تانى ان شاء الله

عموما جروب محمد حمدي على الفيس بوك

(هاعيد وهفرفش من غير تحرش) واخد الموضوع على اكتافه كاحسن ما يكون

يارب بس حد يسمع ويفهم ويحس

كفايه عليكو كده

هيسنا بمافيه الكفايه

كمان مرة كل سنة وانتو طيبين يا حلوين:)

 

4 حط دماغك:

اقصوصه يقول...

كل عام وانتم بخير

تمنياتي بقضاء عيد سعيد

سارة نجاتى يقول...

سبحان الله عندى نفس احساسك بالظبط يا وينكى

يلا
كل سنة و أنتى طيبة

micheal يقول...

ههههههههههه..وأنا بقرأ البوست جه في بالي نجاتي وإيمي ولقيت سارة ناطة هنا
:)
بطلي كسل وتعالي شوفي اخر بوست عندي
وش بيستهبل
كل سنة وأنتي طيبة يا وانكوكا

وينكى يقول...

اقصوصة
وانتى طيبة يا جميله
ساره نجاتي
احنا على موجه واحده يا فندم
كل سنه وانتى بألف صحة وخير
ومن غير تحمرش
مايكييييي
ازيك يا معلم
كل البون وانت طيب
ياساتر يارب مافيش مره اقدر ازوغ منك فيها ابدا
انا بتابع وباقرا من بعيد لبعيد
اتطمن
هارد عليك قريب ان شاء الله