الجمعة، 18 أكتوبر 2013

الطريق


ولسه البحر موجه عالي
ولسه البحر وحوشه كتير
قالوا عني قبطان فاشل
قالوا لسه الشط بعيد
بس خلاص
مسكت الدفة
قريت البوصلة
ومشيت في طريق
ولا يبعدني أقوى عدو
أو ألف صديق
فردت شراعي ..نويت السفر
تحت المطر
تحت صقيع
او حتى تهت وسط الريح
هارجع أكيد
لنفس الطريق


5 حط دماغك:

يا مراكبي يقول...

مهما كانت الصعاب

ومهما الناس حاولت تكسَّر مقاديفنا

لازم نتماسك ونرجع أقوى من الأول

وينكى يقول...

منورني يا مراكبي :)

دي سنة الحياة يا أستاذي.. لازم نقع عشان نقوم :)

حسن ارابيسك يقول...

الجميلة / وينكي
الحقيقة الكلام جميل
رسمتي لنا بكلماتك لوحة جميلة لمعنى الأمل والأصرار على تحقيق الحلم أو الفكرة أو الهدف بس خلاص مسكت الدفة وقريت البوصلة مهما كان حوالينا من معوقات وحواجز ولسه البحر موجه عالي ولسه البحر وحوشه كتير
تحياتي
حسن ارابيسك

P A S H A يقول...

كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
:)

أطيب تحياتي

وينكى يقول...

حسن أرابيسك
اتأخرت فى الرد عليك كتير.. انا اسفة:), كل سنة وانت دايما جميل ومبدع

باشا
وانت بألف صحة وخير ويارب تكون سنة سعيدة علينا جميعا وربنا يصلح احوال الكوكب ده