الأربعاء، 18 يونيو، 2014

أن تكوني أنثى.. هو شيء لا يقدر بثمن


بتصفح الفيس من كام يوم لقيت بوست لطيف جدا عجبنى
أنا قريته قبل كده في كذا مكان بشكل مختلف بس مش عارفه ده ليه علق معايا وحسيت اني عاوزه انقله واجيبه هنا

طبعا هو بالانجليزي وانا حابه اكتبه بالعربي مع شوية إضافات من عندي :D


* أن تكوني انثى .. هو شيء لا يقدر بثمن*
كتير من الرجالة بيفتكروا انهم بيعملوا في الست جميلة وبيأدوا عشانها خدمة عظيمة وهي انهم يطلبوا ايدها للجواز - المواكيس - .. بس خلينا نشوف كده:
هي بتغير اسمها - طبعا ده في المجتمعات اللي الست بتغير لقبها بعد الجواز بلقب جوزها
 بتغير بيتها
 بتسيب أهلها
 بتروح معاك مطرح ما تروح
بتبني البيت معاك - ومحدش يستظرف ويقول بتشيل المونة معايا وانا بامحر.. عشان فيه ناس كده فعلا
 بتحمل عشانك 
الحمل بيغير جسمها
 بتتخن - وطبعا حالتها النفسية بتبقى زفت ووحم وقرف للسنة الجايه
بتشوف وجع رهيب مالوش اخر لما تيجي تولد البيبي - حتى لو هاتولد قيصري، هاتشوف تعب ما يعلم بيه الا ربنا بعد ما تفوق من البنج -
البيبي اللي برضه بيشيل اسمك انت
ولحد يوم ما تموت .. كل حاجة هي بتعملها (طبيخ اكلك، تنضيف بيتك، تاخد بالها من اهلك وتسأل عليهم، تجيب عيالك - سواء للدنيا او من مدارسهم او مشاويرهم - ، تشتغل وتكسب عشان تساعدك، تنصحك ، تتاكد من راحتك، هي اللي بتوصل روابط الاسرة ببعضها وبتسأل على الكل وبتجمع العيلة، وكل حاجة ممكن تفيدك.. حتى لو على حساب صحتها أو هواياتها او جمالها أحيانا)
يبقى مين بقى اللي بجد بيعمل جميلة في التاني؟

أعزائي الرجال: قدروا الستات الموجودين في حياتكم دايما.. علشان مش حاجة سهلة انكو تكونوا ستات.

* أن تكوني أنثى.. هو شيء لا يقدر بثمن *

2 حط دماغك:

غير معرف يقول...

Hello there! I could have sworn I've been to this blog before but after reading through some of the post I realized it's new to me.
Anyways, I'm definitely delighted I found it and
I'll be bookmarking and checking back often!

Also visit my web-site ... infusionsoft marketplace

وينكى يقول...

Hi there :)
thank you for your comment and interest
you are always welcome in my humble blog
I went through your too and really liked the pictures
even though I couldn't understand a single word :D
I'll be glad if you got something written in English, Italian, German or Arabic, but not Chinese with all my respect and for this lovely language ^_^

thank you again