الأربعاء، 13 أبريل، 2016

٢٤ ساعة

أربعة وعشرين ساعة بس
دول بيكونولنا اليوم
مابيقصروش
مابيطولوش
بس احساسنا بيهن يختلف
اللي بات في الهم يومه
واللي بات في السعد يومه
احساسهم بيهم يختلف
تكونشي دي نسبية اينشتاين!
او هو كان متفق مع كل دقة م الزمن؟
٢٤ ساعة فيك يا يوم
عدوا هوا
عدوا حجر
او مية نازلة ع الشجر
من باب سما
ف يوم اتفتح
٢٤ ساعة يابشر
مين فينا حسهم نفس الرقم!
مين فينا ما استعجلش يمشوا
ومين فينا يوم ما استتقلهمش؟
٢٤ ساعه من عمر الزمن
اتسموا يوم..
وانا بعد يوم
هاجي واقول.. حالي اتقلب
عدي يا يوم.. يلا اتولد
يايوم جديد.. يلا اتولد

3 حط دماغك:

https://www.blogger.com/profile/14389767766520102513 يقول...

إزيك يا العزيزة وينكى

وينكى يقول...

انا بخير وزي الفل يا من أنا :-D
من أنت بقى :-P

وينكى يقول...

انا بخير وزي الفل يا من أنا :-D
من أنت بقى :-P