الخميس، 5 مارس 2009

وااااااااااااااااااااااااااااااء


أمقت الزحام
وأمقت كل ما يتحتم عليه من حر واختناق ومشادات بين الناس
وأكتر ما أمقته هو بكاء الأطفال الصغار.. تشعر بصوته الرفيع الصارخ يتخرق مخك ويدمر اعصابك
واااااااااااااااء.. واااااااااااااااااء
والأم تحاول إخراس الطفل بلا جدوى
وااااااااااااااااااااااء.. واااااااااااااااااااااااااء
وكأنه يعاند كل الموجودين ويخرج لنا لسانه مستمتعا بطفولته بسادية رهيبه
وااااااااااااااااااااااااااااااااااااااااااااااااااااااااااء
لا تملك معها إلا ان تتمنى كتم انفاسه او صفعه عدة صفعات ترسله عالم الملائكة النيام المزعومين
وااااااااااااااااااااااااااااااء
تنسي او تتناسي كل عواطف الأمومه بداخلك .. اعتقد ان لحظة كهذه تولد ضحايا وقتله
وااااااااااااااااااااء.. واااااااااااااااااااااء
أنظر لوجه المجرم الصغير فلا ألمح دمعة واحدة.. وجه أحمر .. فم مفتوح باتساعه ، لو أفاق اسماعيل يس ورآه لمات كمدا
اكاد أرى لوزتيه تتحركان بالداخل... أتساءل مم صنعت أحباله الصوتية
واااااااااااااااااااااااااااااااااااااء
اخرس عليك اللعنة.. انت تثير أعصابى.. ترى كيف تتحمله أمه .. كل ما تفعله هو الجلوس بهدوء وكأنها فقدت حاسة السمع
بل أكاد أجزم بفقدانها لها مادامت مع هذه السرينه يوميا
واااااااااااااااااااااااء... واااااااااااااااااااااااء
حين تستنشق صوتا يعجزك عن التنفس.. تصر أسنانك ألما .. تتمنى لو أصبت أنت بالصمم
واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء
أحاول الانفصال عن مشكلتى.. أهرب لعالم الروك الصاخب .. وااااااااااااااااااااااااااااااااااء.. بلا جدوى
حسنا أيها الصغير ... لقد انتصرت
أغادر العربة الشنيعة وابحث عن أخرى
أدركت الآن كم أن التعامل مع الكبار أمر سهل

20 حط دماغك:

سكندري يقول...

تك تك تك
حد هنا انا اول واحد ولا أيه؟
بسم الله الرحمن الرحيم احمم احمم
علي فكرة أنت مضهدة الأطفال جداً الأطفال دول أجمل حاجة في الدنيا ومش مهم العياط الكتير بتاعهمكفاية ضحكة واحدة بتنسيكي كل البكا ولو متضايقة أوي كده من عياطهم اعمليهمsilent
..................................!

اعشق فى الليل ضوء القمر يقول...

إنت مقلتيش أخبار الحفله فى ساقية الصاوى كانت عاملع إيه
أنا فعلا كنت هجى لكن الشغلمسبنيش إلا فى وقت متنأخر معرفتش أجى

kareem azmy يقول...

ههههههههه
فعلا الجو كان حار جدا اليوم
و خصوصا الواحد مش كان عامل حسابه ف اللبس

المهم بخصوص الولد
فكل الاشياء لها مميزات و عيوب
و اعتقد ان برضة الاطفال ليها ميزات و لحظات جميلة

و اعتقد ان الموقف ده المسئول عنه الام
اللي وصفتيها بانها اصيبت بالصمم
لان الطفل اكيد كان بيعبر عن حاجة جواه و رسالة للام اللي مش فهماه
جايز جعان او حران

المهم بكرة يا ستي ربنا يرزقك
بنونو كده و اكيد احباله الصوتية هتكون حلوة
يعني هيصرخ بمزاج و طرب
وراثة بقى
هههههههه

تمنياتي لك بالسعادة

micheal يقول...

تدوينة هايلة يا وانكوكا
مفيش أصعب فعلا من رؤية طفل يعاني وميكونش الواحد قادر يساعده
الاطفال عالم مسئوليته صعبه رغم طهارته ونقائه
تحياتي

رجل من غمار الموالى يقول...

فعلاً
....
معاكى حق ..بكاء الأطفال شئ مزعج جداً
......

mohra يقول...

لو جت على الوائوائه ....العيال اسهل كتييييير
صحيح يجننوا بس ارحم من الكبار

محمد عتلم يقول...

بيكون صوتهم مسرسع ورفيع ومزعج اوى اوى . وكمان بالذات لما يكون الواحد نفسه ينام او يرتاح او تعبان بيبقى نفسه يديله على أفاه عشان يتنيل يسكت بس الواد مش حمل أفا واحد حرام ده لسه زغنن ومن حقه انه يعمل دوشه
امال سموه عيل ليه
احنا برضه كنا عيال وبنعمل دوشه اشمعنى هما يعنى ؟ اختلاف اجيال مثلا ولا اختلاف ثقافه .. هما نفس السيستم ونفس الفيرجن ونفس الأبديت اللى كان بيتعملنا برضه بيتعملهم
بس فى الاخر تكتشفى الحقيقه .... ان الكبار هما اللى بيعيطو مش الصغار

aMr saYed يقول...

اول زيارة بس بجد مدونة جميلة وبوست حلو اوي واسوء حاجة لما تبقي مرهقة جدا جدا وتسمع صوت الطفل واااااااااااااااااء
بلا جدوى الام فقط تحرك ذراعها لكي تطيب خاطهر بلا جدوي
وااااااااااااااااااااااااااااااااء

سلام بقا احسن البوست ده قطع قلبي على الامهات

LORD.M.M يقول...

تحياتي

كنت كذلك في مامضى ..احنق جدا من سماع طفل لا يسكت ..

لكن عندما انجبت اخوتي اطفالهم واحد تلو الاخر و احتل البيت وشاركوني غرفتي تعلمت من الالف الى الياء عن تربية الاطفال و تأقلمت مع بكائهم ليلا نهارا ..افضل حيلة هي ان تلاعبي الطفل ان كان بدا بالوعي او ان تبتسمي للام فهي حتما تشعر بالخزي و الخجل الكبير .

هل انت من متابعين مسلسل نارتو ؟؟

و تستمعين للروك ايضا !!

نتشارك بنفس الهوايات ..

تحياتي

مواطن مصرى نايم يقول...

بوست تحفه يا وينكى
مفيش حاجة بقراهالك وحشة بجد
جامد بجد الله ينور
و انا كمان امقت سراخ الاطفال بجد
حاجة صعبة جداااااااااا

يا مراكبي يقول...

أنا معاكي إنهم مزعجين جدا .. ومن غير دموع كمان

بس بكرة هييجي اليوم اللي تكوني فيه مكان أم الطفل ده وتلاقي نفسك مضطرة إنك تستحمليه ومش هتقتليه يا ريا .. ههههه

mohamed ghalia يقول...

نعم كم أن التعامل مع الكبار أمر سهل
دمتى بكل الود
سعيد بتعرفى على مدونتك

msafa يقول...

رائع البوست اوى فيه حركة خنقتنى

Zika يقول...

يابنتي فين تعليقي
انتي بتخطفي تعليقاتي عشان تطلبي مني فديه
صح صح
انا عارف
بس انسي
مش داافع يعني مش دااافع

أحمد سعيد بسيوني يقول...

اللهم ارزقنا تعاملا مع الصغار كتعامل رسولك الكريم

وهذا هو موضوعي الرابع احتفالا بالمولد النبوي

دمتم بخير

Unknown يقول...

هاي التدوينه واقعيه جدا جدا

تخيلي لما يكون حواليكي تقريبا يمكن شي 10 من نوعية هاد الطفل

ساعتها أنا جد بكون في مرحلة انهيار عصبي شديد

وكمان بقدرش أنكر كون الصغار-لما يكونوا ظريفين - بيكونو حلوين

طبعا لمّا:)

Unknown يقول...

لالالالالالالالالالالالالا

ده العيال رحمة انا عن نفسي بحبهم دول شغلتي ههههههههههههههه


وأدعوك لزيارة مدونتي والمشاركة فيها

وينكى يقول...

احمد القصاص
انت فعلا اول واحد هنا
اهلا بيك
انا مش مضطهدة الاطفال ولا حاجه
انا بحب العب معاهم وبيهم جدا
لكن اول ما العيل من دول يبتدى يزن ويعيط وانت تعبان ومش طايق صوت الهوا من حواليت بتبقى عاوز تفجره
اعشق فى الليل ضوء القمر
الحفله كانت اكتر من جامده
ان شاء الله تتعوض مره تانيه
كريم
اكيد طبعا الواد ماكانش بيختبر قوة احباله الصوتيه
الجو كان حر جدا وهو كان بيصرخ عشان هو جوا شوايه
بس دا مايمنعش انه كان مزعج جدااا
وربنا يستر من دعوتك الأخرانيه دى
شكلى هايطلع عليا كل ده فى الاخر
مايكل
والله الواد كان صعبان عليا فى الاول
لكن فى الاخر انا اللى صعبت عليا نفسي
هههههههههه
رجل من غمار الموالي
ادى واحد كمان مابينامش الليل من صريخهم
D:
مهرة
الوأوأة دى مشكله من ضمن عشروميت مشكلة
م الاخر.. كل البشر بيوصلوكى لأنك تشدى فى شعرك منهم
محمد عتلم
هههههههههههههههه
ضحكت قوى على تعليقك
بجد حسيت بيك قوى لأنك بتشاركنى احساسى
هانعمل ايه بقى
عالم عيال عيال
عمرو تعلب
شفت بقى الامهات بيتعبوا قد ايه
بعد البوست ده كل واحد هايروح يبوس ايد مامته او مراته شعر ودقن
لورد
ياااااااااه
اخيرا لقيتك
انت فى وضعك كان لازم تتكيف مع الاطفال وبكاهم
دول احتلوا غرفتك كمان.. يالهوى
منور دايما
انا بحب ناروتو جدا وباسمع كل الوان الموسيقا
بس الروك له فى قلبي معزة خاصة
مواطن مصري نايم
اهلا.. ازيك
عملت ايه فى امتحاناتك
ربنا يخليك رايك ده شهادة اعتز بيها
هاستنى كمان كام سنه لما يبقى عندك اطفال وهاشوف رأيك فى صريخ الاطفال ايه بالضبط
P:
يامراكبي
والله بصراحه ماضمنش ظروفى
انا بحب الدوشة بس بحدود
واللى باشوفه فى امهات اليومين دول بيرعب قلبي بجد
اكيد مش هاقتله بس اخاف عليه من عاهه مستديمة
منورنى دايما
محمد غاليا
انا الاسعد بزيارتك
مسافة
انا كنت باكتبه وقت حدوث الواقعه الوأوئيه بالضبط
فكنت باكتب اللى حاساه بالضبط
يانهار ازرق على ده يووووم
زيكا
انت هاتتبلى عليا
تعليق ايه اللى خطفته منك
انا ماخدتش منك حاجه
وبكره ابو سريع هايتصل بيك يتفق معاك على المعلوووم
P:
احمد سعيد بسيونى
امين يارب
كل سنه وانت طيب
مياسي
10 مع بعض بنفس المنظر
ساعتها ممكن ارمى نفسي من اقرب شباك
دا جنان بجد
انا باموووووت فى الاطفال الهاديين الحلوين اللى بيضحكوا ويلعبوا
غير كده ابدااااا
معتز شاهين
بصراحه اثرت فضولى انى اتابع مدونتك
لانى قريت ولاحظت كتير قوى فى مجال الاطفال واتمنى انى اقرا تحليلات اكتر
شكرا لتعليقك واستنى منى زيارة

إيناس حليم يقول...

هههههههههه
جميل أوي البوست ده :)
أصلي بحس نفس احساسك بالظبط لما أسمع عياط الأطفال وبتزعج اوي
وبرده بسأل نفسي هي ازاي مامته بتستحمله!!

بس مرة صاحبتي قالتلي(هي أم على فكرة)
اني لما اخلف هيبقى كل حاجة بيعملها ابني على قلبي زي السكر ( كل حاجة :))

واضح انك حد لذيذ أوي

دي أول زيارة بس مش هتبقى الأخيرة ان شاء الله

دمتي بخير

mera يقول...

السلام عليكم.........

انا مش عارفه اقولك انتى بالظبط بتتكلمى على اللى جوايه...

اكتر حاجه بتوترنى بجد صراخ الاطفال....
بس قالولى ان غريزه الامومه هتخليكى تعرفى تتعاملى مع المشكله دى وان لولا غريزه الامومه كانت كل ام قتلت ابنها وده قليل بسبب التوتر العطبى اللى بيعملوه....

وانا معلقه امل كبير جدا على ده...

اختك ميرا المصريه