السبت، 14 مارس 2009

ناروتو

طبعا اللى عارفنى من زمان عارف قد ايه انا باعشق أفلام الكارتون وخصوصا الأنمي الياباني وعلى رأسهم كونان وروائع ديزني وأهمهم دونالد داك
دلوقتى انا جايبالكو عضو جديد ينضم للقائمة
أوزوماكي ناروتو..
ايواااااااااااااا.. هو الكائن اللى موجود على الهيدر فوق عندى ده
اول مره فى حياتى أعرفه كان من الفيديو اللى انا جايباهولكو ده
فى الأساس كنت بادور على أغانى لفرقة تاتو.. ولقيت الفيديو ده
أول مره اشوف فيلم كارتون بالواقعية الخيالية دى
ماتسألونيش يعنى ايه
كل واحد يشوفه ويقول احساسه
المهم انى من ساعتها وانا بادور على كل حلقاته وأفلامه.. سواء ناروتو او ناروتو شيبودن
الموضوع ما يتشرحش بالكلام فعشان كده مش هاطول عليكو
اسيبكو مع الفيديو ده
ولو كتير منكو طلب انه يعرف الحدوته هاحكيهالكو فى بوست منفصل


7 حط دماغك:

micheal يقول...

هيييييييييييييه
أول كومنت..أنا سمعت كتير عن ناروتووحتفرج ع الفيديو لسه عشان أعرف عنه
بس عموما أنا مقتنع أن الجماعة اللي عينيهم ضيقة دول بيعملوا حاجت جامدة
:)
تحياتي وانكوكتي

أحساس لسه حى...كلام من جوه روح لكل روح يقول...

عزيزتى


انا بموت لما بيكون مدبلج بالعامى

وبعشق تيمون وبومبا

وشركة المرعبين

واى حاجه شبهم

تحياتى

سلام

LORD.M.M يقول...

تحياتي


نارتو من اجمل الانيمي حاليا و اقواهم وقصته شيقة و معقدة و فيها تفاصيل جميلة انصحك بقوة ان تتابعيه من بدايته

تحياتي

وينكى يقول...

مايكي
اللى عنيهم ضيقه مش محتاجين اثبات على براعتهم
يخرب بيت حبكتهم
العالم دى بتحترم عقل الأطفال بجد
مش تقولى مش عارف ايه
احساس لسه حي
الكارتون المدبلج بالعامي المصري هو الأروح بلا منازع
لما باشوفه وبارج اشوف نفس الكارتون بلغته الام بحس ان فيه حاجه ناقصه
لووورد
البوست ده عاملاه مخصوووص عشانك
:)
اشكروه يا اولاد
انا بتابعه فعلا
بس عندى مشاكل فى تحميله على اجهزتى
ماتعرفش طريقه اسهل تمكننى من شراء كل ما يخص ناروتو او الانمي عموما

اسماء عوني يقول...

حبيبتي انتي شريكتي في الكفاح الكارتوني بس للاسف مالي في الانيمي الياباني في الغويط
يعني كم حاجه كده من عالوش وبس
لكن الكارتون ده حبي الوحيد

Zika يقول...

الكارتون
شوفي يا بنتي
الكارتون ده جزء لا يتجزا من حياة اي حد خياله حلو
انا بقي ليا قريبي عيل صغنطط كده ما بيتفرجش غير علي افلام الرعب
وكل خلافاتنا في الريموت علي ايه بقي
انا عاوز اجيب الكارتون وهو عاوز يجيب الفيلم الرعب
وهو عنده 7 سنين

يا مراكبي يقول...

مش حلو

أنا عايز توم وجيري