أزاح سماعته الطبية عن أذنيه
جلس على مكتبه الأنيق , وكتب تشخيصه بخط واضح على غير عادة اقرانه
حالة اكتئاب صيفي حاد
------------------
اللى يعرفنى كويس هايعرف قد ايه انا باعشق الشتا وباموت فى دباديبه
باتغنى بيه فى كل مناسبه وباعلن عن حبي وولائي لكل امطاره وبرودة هواه وانتعاشه اللامحدود اللى بيخترق روحى
***
لابد من مداومة شرب العصائر الطبيعية واكل الفواكه بكثرة لكي تحتفظي بمعدل عال من الماء فى جسدك
-----------
يدخل فصل الصيف وتبتدى المشاكل
أمشي فى الشارع جوا فرن مقفول
الشمس بترمينى بسهام محرقه من أشعتها اللى ما بترحمش
فين شمسي الشتوية الودود؟؟
الهوا خانق وكأنه عدى على ألف صدر غيري
اعصابي بتغلى مع دماغي .. ومع الزحام وضغط الشغل
النتايج بتبقى منيله بنيله
***
احتفظي بجسدك رطبا قدر الامكان
داومي على أخذ دوش بارد يوميا لكي تشعري انك أفضل
ويستحسن ان تطلبي أجازتك السنوية سريعا لتقضيها بأحد المصائف الهادئة
ستكون فرصة رائعة للاستجمام ولهدوء أعصابك
----------
باكره الحر.. وباكره الصيف
امبارح جتلي حاله هبوط عجيبه
مش قادره اتنفس.. كنت بانهج وكاني واحده وزنها 120 كيلوجرام طلعت للتو عشر ادوار على رجليها
دماغي بتغلي.. مش قادره أفكر.. مش قادره اتنفس
كنت زبونه جوا البوفيه لفتره كبيره
تلج.. بيبسي
اى حاجه مالحه عشان ترفع الضغط
الغريب انى فى الحر عادة ما ضغطي بيترفع لدرجة تسببلي نزيف انفي
***
ساوصي لك براحة تامة علها تساعدك
قالها وهو يذيل تقريره الطبي بتوقيعه
ويرفقه باوراق التحقيق الإداري الذي تمت إحالتي إليه لتشاجري مع احد موظفي المكتب
مما أدى لبعض الإصابات الطفيفة التي تستلزم علاجا يقترب من الواحد والعشرين يوما
-----------
شفتوا الحر بيعمل فيا إيه؟؟
6 حط دماغك:
انا كمان بيحصلى نفس الاعراض حتى النزف و الهبوط
الحر فظيييييييييييععععععععععععع
تحياتي
سلامات عليك يا وينكي اتمنى ات تكون الاصابات خفيفة ..و صراحة ان بعاني بالشتاء من حالة الاكتئاب الشتوي ..بكره الشتاء و البرد و بعشق الصيف و الشمس !
ارتاحي و روحي مصيف و خليكي كووول .
تحياتي
طب وايه رأيك اني مكتئب صيف وشتل وخريف وربيع؟
مهرة
ربنا يستر علينا
بس مبسوطة ان الجو اتكسف على دمه واتعدل شويه
سلامتك :)
لورد
الوقت ادركنى ومافيش مصيف ولا حاجه
رمضان جه والجو ابتدى يتعدل
شكرا لأمنياتك :) واتمنى ان الشتوية الجاية تبقى جميلة بالنسبالك
مايكيييييي
انت مش هاتبطل اكتئاب الا لو سبت الكوكب ده يابنى
ايه رأيك تقضي الويك اند فى المريخ؟؟
الف سلامة عليكي
بكره الصيف وبحب الشتا جدا والمطر والجو ده أحلا جو بعيشو
بيقولوا مواليد الشتا بيتكيفوا مع الشنا وبيحبوا
وكذلك موليد الصيف بيحبوا الصيف
لكن موليد الربيع والخريف مش عارف موقفهم ايه من الفصول
اهلا طارق
انا من مواليد الربيع
وباعشق الشتا والخريف جداااا
إرسال تعليق