السبت، 8 نوفمبر، 2014

نصيحة #3

Ask for what you need


من الحاجات اللي بتستفزني في التعامل مع البني ادمين
ان الواحد يبقى عاوز حاجة وعينه هاتطلع عشانها.. ولما تقوله عاوز يقولك لا شكرا!!
زي البياع اللي بياخد من ايدك الفلوس ويقولك ما تخلي O.o
بجد مش فاهماه
على أساس ان الناس كده عينها مليانه وعفيفة وبتاع!!
ان الواحد تبقى نفسه عزيزة حاجة وانه يطلب حقه واللي فعلا عاوزه حاجة تانيه
في هذا الشأن أنا فعلا بحيي الأطفال بنفسياتهم اللي ما اتلوثتش.. الأطفال اللي لو عاوزين حاجة بجد بيظهروا كل مشاعرهم عشانها
بعيدا عن الزن والعياط والبرابير.. بس هما عندهم اصرار لا محدود انهم يطلبوا اللي هما عاوزينه
بالنسبة للنصيحة دي ممكن يكون اصلا موضوع طلب الأشياء المادية هو مثال بعيد عن المضمون الحقيقي للاحتياج في النصيحة
انت لو محتاج مساعده ماتترددش في طلبها.. الناس موجوده على الأرض عشان تساعد بعضها
لو محتاج حاجة بجد في حياتك اسعى عشانها
المهم بس اننا لما ندور على الحاجة.. ندور على اللي احنا محتاجينه
مش اللي احنا عاوزينه
أو بعبارة أخرى

You should know the difference between what you want and what you need

4 حط دماغك:

حسن ارابيسك يقول...

أذيك ياوينكي

عجبتني تلك العبارة الحكيمة والجميلة
( ندور على اللي احنا محتاجينة مش اللي أحنا عاوزينه )

تحياتي
حسن أرابيسك

Tamer Nabil Moussa يقول...

ازيك وينكى اخبارك اية


كلام جميل

تسلم ايدك

مع خالص تحياتى

Mahmoud Garag يقول...

صباح الخير

وينكى يقول...

صباح الخيييييييير جميعا
غبت كتير انا عارفه
يارب تكونوا جميعا بخير

حسن ارابيسك
العبارة دي كانت الفكرة القائم عليها فيلم the princess and the frog
فيلم ديزني فى 2008
افلام الكارتون بتعلمك حاجات كتير قوي :D