السبت، 2 مايو، 2009

أنا مبسوطة قويييي


الحمد لله

بجد انا اليومين دول عماله بتجيلى اخبار تفتح النفس وترفع المعنويات وتظبط المود

انا مبسوطة جدا جدا جداااااااا



صديق ليا - وبعد طول انتظار - اخيرا بقى أب لبنوتة زي القمر

وصديقة ليا قلبها ارتاح بعد ما اللى هى بتحبه صارحها بحبه ليها هو كمان

وصديق تالت لأول مرة من كتير قوي يكلمنى وهو متفاءل وفرحان ومزأطط ويبعد عن مود الخنقة والاكتئاب اللى ملازمه

وواحد كمان ربنا كرمه اخيرا في شغله وبقى بيتعامل معاملة بنى ادمين فيه وعنده مواعيد حضور وانصراف معقولة

صديقة ربنا كرمها وقدرت تستعيد توازنها النفسي بعد ما تخلصت من كابوس اسمه خطيبها ورمتله دبلته وركزت في دراستها



دا غير طبعا فرحتى الكبيرة جدا بكل حبايبى واصحابي اللى افتكرونى فى عيد ميلادي



جاي على بالي قوي دلوقتى أغنية سلمى الرائعة.. اللي بتقول فيها:

كلها حاجات بسيطة وقد ايه

قد ايه بتفرق معايا قد ايه

زي ايه

زى لما الفرحة تيجي لوحدها

وزي احساس بالرضا

وزي ما احبك كده

وزي دمعة طيبة ارتاح بعدها

وماعرفش ليه

كلها حاجات بسيطة

زي ايه

زي وردة ف عيد ميلادى

وزي يوم بسيط وعادى

عدى لكن مانسيتوش

وكلمة حلوة سمعتها

من قلب حد انا ماعرفوش

وزي ما افضفض معاك بكلمتين

وف وسطهم

اسرح تقولى رحتى فين

وزي غنوة من بعيد

فيها من ريحة بلادي

كلها حاجات بسيطة

ممكن تحمل الاغنيه وتسمعها بصوت سلمى من هنا

انا مبسوطة قوي.. شكرا ليك يارب انك خليت حاجات بسيطة تفرق معانا وتفرحنا كده

5 حط دماغك:

مثلية فقط يقول...

ان شاء الله كل ايامك فرح

رغم أنو هيدي أول مرة فوت على مدونة

و لاقي حدن مبسوط هيك

ان شاء الله دايما

وينكى يقول...

مثلية فقط
ميرسي ليكي.. الانسان فى ايده انه يكون مبسوط
وفى ايه انه يكون حزين
وهو اللى بيحدد اختياراته بالحياة
وانا قررت اكون مبسوطة

انا حطيت لينك الاغنيه تعالى اسمعيها

bos bos يقول...

ربنا يبسطك كمان وكمان يا جميل

magi يقول...

يارب فرحانه دايما
حلوه اوى اغنيه سلمى اول مره اسمعها

مواطن مصري يقول...

ربنا يديم الفرح عليكي