الأربعاء، 17 أغسطس، 2011

إيقاع الروح




اسمحلي اني اتطفل عليك من دون أي سابق تعارف

بس اللي يشوفك ويسمع موسيقاك لازم يحس انك واحد من أكتر القريبين منه
لسه شايفه فى عيونك الشاب الصغير..
ابن حوض البحر المتوسط
جواه حماس يحرك الاكروبولس وجبال الاوليمب
موسيقاك تسحر أي كائن من كان ... ترميه جوا بحر من المشاعر والأحاسيس
قدام بحر بكل حنيته ورقته وعنفوانه
جمعت احاسيس كل سكان الارض ومزجتهم باحساسك عشان يكون المنتج النهائي أسطورة لا تتكرر
اسطورة اسمها Yanni
لما باشوفك على المسرح.. حركاتك ونشاطك وحماسك اللي بيصب جوا نفوس كل فرقتك اللي لسه عارفه شكلهم من ساعة اول مرة شفت حفله لي
ك
أيام ماكان لسه شنبك اسود وجسمك أرفع من كده.. وتقريبا كل اللي اتغير فيك لحد دلوقتى هو لون شنبك :)



باشوفك واشوف فرقتك .. باشوف حماسك وتفاعلك على المسرح.. وكأن الموسيقى بتتنقل من الكيبورد لجسمك عن طريق صوابعك عشان تحرك روحك وجسمك
وتتنقل لكل العازفين عشان تديهم احساس تاني بالحماس.. والحياة
Yanni
انت حالة استثنائية
درس مكثف في الحب
حب الموسيقى وحب العمل وحب الناس لبعضها
والاهم.. حب النفس بدون غرور
بجد اتعلمت منك كتير.. ان ابسط الحاجات ليها أعظم التأثيرات
وان كنوز الدنيا بين ايدينا بوفرة.. وببلاش
المهم اننا نشوف الكنوز دي.. ونقدرها

شكرا لك يا كنزي الثمين.. أنا بقيت فراشة بتحوم حوالين نورك .. متطمنة انها مش هاتحرق جناحاتها
Yanni .... Thank you

3 حط دماغك:

يا مراكبي يقول...

وياريت لينك لأجمل ما قدمه بالمرة عشان البوست يكتمل

حسن ارابيسك يقول...

عيد سعيد عليكي

وينكى يقول...

يامراكبي
بجد انا محتاره جدا احط ايه ولا ايه
هو الحل الوحيد بقى انك تعمل سيرتش عنه .. بس اتأكد ان عندك وقت كفايه تمارس فيه بقية حياتك عشان دا زي الهيروين بالضبط :)))

حسن ارابيسك وانت طيب يا سيدي الفاضل
عيد سعيد علينا جميعا