كفاية بقا
بطلوا تتكلموا باسمها
وكأنكم
من بقية أهلها
كفاية بقا
تقولوا بندافع عنها
وكأنكم
بس اللي ماشيين على أرضها
كفاية بقا
كدب وخداع وتضليل
كفاية تجريح في قلبها
وكأنكم
كما الديابة ف مرعى الغنم
تغرف وتنهش وتملا كروشها منها
وترجع تقول
دنا اللي حامي عرضها
كفاية بقا
الدمع سال كما الدما على أرضها
والقلب انفطر.. قول انفجر
وزاد النواح على بختها
وبقيت أبص ساعة صباح
أو في المسا
أفزع وأقول
دا مش شكلها
بقيتي غريبة يا بلدي والكره طافح منها
كفاية بقا
ياتسيبولي أرضي الحزينة
يا إما تحن عليا
وتاخدني في حضنها
2 حط دماغك:
الله.. الله
حقيقي جميل الشعر والأجمل الصدق اللي انا حاسه بجد بينطق منه قبل لساني مابينطق حروفه
تحياتي
حسن أرابيسك
:'(
إرسال تعليق