الأربعاء، 7 نوفمبر 2012

كده كده مش فارقه


قرار غلق المواقع الإباحية مش فارق معايا لأني كده كده ما بدخلش
والناس اللي بتدخل القرار مش فارق معاها عشان هتعرف كده كده تدخل

الفكرة دلوقتى اننا محتاجين توصيف لكلمة "مواقع إباحية" عشان نعرف الحكومة ناوية تقفل ايه بالضبط.. والسبب الحقيقي من ورا ده

والناس اللي معترضة على غلق المواقع الإباحية عشان التكاليف اللي هتتصرف على الموضوع ده أحب اقولكم وايه يعنى
ماهى الفلوس دي كده كده ماكناش هناخدها ولا هيتعمل بيها حاجة عشاننا

"كل اللي بيحصل دلوقتي يا إما:
حركات استفزازية متعمدة
اختبار لقوة تحمل الشعب
فرض سيطرة وهيمنة على الدولة
تصفية حسابات - مع مين بالضبط مش عارفه - "

لكن الموضوع كله على بعضه مجرد لعبة سياسية رشوا عليها spray اسمه الدين

3 حط دماغك:

انا من اهوى ومن اهوى انا يقول...

الموضوع فى حد ذاتة لم يكن الا لعبة سياسية مع النائم العام لكنه كالعادة
لئيم لؤم أسيادة ومدربية من النظام البائد لم يبتلعة إنما اعاد الكرة على من اراد الايقاع به .. اعتقد ان هشام قنديل ( لسة بدرى عليها اوى سياسة )
احراج النائب العام لا يكون بتقديم هذا المشروع ليرفضة فيفضح امام الشعب ويكتب عندهم ( علمانى وكارة لتطبيق شرع الله ) انما يكون إحراجة بفتح ملفات القضايا التى حفظ تحقيقها مرة اخرى ومعرفة السبب والمتسبب فى غلقها

تحياتى بعد العودة من زمان اوى

Dr. Kafy يقول...

القصة كلها إننا سايبين مشاكلنا الحقيقية و بنحاول نصنع مشاكل وهمية و نشغل نفسنا بيها علشان مانشوفش المشاكل الحقيقية اللى احنا أصلا عايشين فيها، مش فاهم؟ إيه اللخبطة دى؟

وينكى يقول...

أنا من اهوى...

واضح انها نوع من الاستعباط السياسي ونشر الغسيل القذر لبعض
بس احنا كمصريين طلعنا بشوية نكت انما ايه :D

د. كافي
يلا بقى اهى كده كده مش فارقه :D
اهلا وسهلا بيك