احساس حلو قوي لما تعرف قد ايه انت كبير عند الناس
وقد ايه انت شخص مؤثر في حياتهم
وان حب الناس دى هبة ربانية بيرزقها ربنا لعباده عشان يقويهم بالحب
احساس جميل لما تعرف ان مهما زاد البعاد بينك وبين احبابك فهما برضه لسه فاكرينك
بحب اسمع قوي كلمة: ياااااااااااااااااه... فينك يابنتى من زمان.. والله مشتاقين :)
ولما اخرج في اى مكان حتى لو جديد عليا تماما... واحده واحده ابتدي اعرف ان اللي حواليا كلهم يعرفوني او بينا معارف مشتركين
بحس بالدفا ساعتها قوي.. وان الدنيا صغيرة
وانى مش لوحدي ♥
احساس جميل لما تكون السبب في فرحة حد
سواء كان قريب منك او حتى ما تعرفوش
تطلع من قلوب الناس دعوة حلوة تخليك ماشي منشكح طول اليوم :D
لما تقول لحد كلمة بسيطة من غير قصد بس يكون ليها مفعول السحر عليه
تحسس الناس انهم مش لوحدهم.. عشان ده في يوم هايتردلك مهما حصل
يارب ارزق كل انسان فى العالم بفرحة كبيرة قوي تملا قلبه وتحسسه بالسعادة والرضى
حياتنا مش حلوة قوي.. دايما بنشوف فيها حاجة ناقصة
بس هى كمان مليانه حاجات حلوة.. المهم احنا بنشوفها من انهي زاوية
يارب املا قلوب كل الناس بالحب.. خليهم يحبوا بعض وخلي كل شر او كره يختفي من العالم
انا عارفه انه صعب.. ويكاد يكون مستحيل.. بس مفيش حاجة بعيدة عنك يارب
فكروا دايما في 4 كلمات
السعادة.. الحب.. الفرحة.. الرضى
انقشوهم على جدران قلوبكم وجوا عيونكم وف كل مكان حواليكم
ازرعوها على ارصفة الشوارع وفى الاراضي البور وعلى وجوه الاطفال
مين عارف
هايتردلكم ويتردلي امتى
ليلتكم سعادة وتفاؤل... وأمل
2 حط دماغك:
حب الناس دي نعمة من ربنا سبحانه وتعالى
يا رب يعطينا اياها دايما
آمين
امين يارب
ربنا يرزقنا الحب والسعادة دايما :)
وشكرا لانك اسعدتنى بمرورك
إرسال تعليق