الثلاثاء، 28 مايو، 2013

معرفش ليه


معرفش ليه
بنبقى احيانا اغبيا
طريقنا مليان علامات
ومع كده بنتوه
ونغلط فى الاتجاه
معرفش ليه بنعاند نفسنا
شايفين قدرنا وحاسينه
ومع كده بنحاول
نعوم وسط التيار
وفي الاخر نتكسر
نتعب
ونغرق في صمت
معرفش ليه
عندنا امل زائف اننا هاننجو
واننا هانطلع من الحادثة بسلام
لمجرد ان احنا هو احنا مش اى حد تاني
وكأن ف ايدينا عصاية الساحر
او صدقنا نفسنا
ان احنا بطل الفيلم
بجد معرفش ليه
بنعمل كده ف نفسنا
وبنزعل قوي
لما تيجي الضربة تفوقنا
وياريتنا نفوق

معرفش ليه

2 حط دماغك:

يا مراكبي يقول...

رغم إن التاريخ مكتوب ومعروف ومحفوظ، إلا إن الإنسان للأسف "أحمق" ومش بيتعلم من الماضي اللي كان قبله أبداً

وينكى يقول...

مالهاش حل
ومش هانتغير
وهانفضل كده طول عمرنا لحد م نموت :(
طب ايه !!!
مفيش امل؟؟؟