كان فيه شوية حاجات لطيفة تخليني إيجابية أكتر ومتواصلة مع الناس أكتر، والأهم اني أسجل كل يوم لحظة حلوة عدت عليا
حاولت بنسبة كبيرة اني أنفذ التحدي ده وأعتقد بشكل كبير اني أنجح فيه برغم صعوبته
الدنيا مش دايما وردي من ناحية ، والكسل مسيطر من ناحية تانية.
بس واضح اني ماحرمتش عشان قررت اني أعمل تحدي جديد السنادي.
2021.. أهلا بيكي
- قررت اني أستأصل أسباب القرف والسخافة من حياتي، منها البعد عن سخافات الفيي بوك على قد ما أقدر.. ممكن أقفله لو حبيت كمان.. المهم أفضل على تواصل بالناس النضيفة في حياتي
- أنا استفدت كتير من تدوين اللحظات الحلوة اللي مرت عليا.. لما الدنيا كانت بتسود في عيني كنت برجع للي كتبته وأفتكر ان السعادة في التفاصيل الصغيرة.. وان الدنيا sin wave.. عشان كده هكمل.. هكتب احساسي في اللحظات المميزة في حياتي واللي بخرج منها بقيمة.. وهدونها هنا.. لاني محتاجة أرجع أكتب تاني.
- أوجد لي خطة جديدة في حياتي ودي حاجة فعلا ابتديت فيها.. المهم يبقى عندي الإصرار
- أركز على المهم.. وأرمي اللي مش مهم.. وما أنساش أبدا أنا مين.. وأفضل أ count blessings
وكفاية كده .. سنة جديدة سعيدة عليكي .. يامدونتي الصغنونة.. من غير فذلكة.
بحبك❤️❤️
0 حط دماغك:
إرسال تعليق