الثلاثاء، 28 مايو 2013

فاكس!!!


فاكس!!!
كلنا فئران تجارب في نفس المختبر
كلنا مسيرين مش مخيرين
كلنا واقفين على نفس الشعرة
وهانتاخد النهاردة ولا بكرة
عشان الاختبار
كلنا هاتعدي علينا نفس الظروف
حقن عضلات
كهربا.. كيماويات
أو حتى تشريح.. سلخ .. تمثيل بجثة
ماحنا مجرد فئران
مش مهم من حياتها وموتها غير تفاعل هايهم بني البشر
السادة الارقى مرتبة من وجهة نظرهم
كله فاكس
قوانين الحياة
قوانين الدنيا والكون
ماعادتش تفرق هى ايه
او رايحة لفين
طب يمين او شمال
كله فاكس
دى حلقة فيها بندور وهانرجع لنفس الطريق
فاخلاص بقى

كله فاكس

2 حط دماغك:

يا مراكبي يقول...

مش موضوع فاكس :-)

الموضوع هو سنة الحياة .. دورة الحياة الطبيعية لينا كلنا

وينكى يقول...

هل سنة الحياة هى الطبقية وتحكم الاقليه فى مصائر الاغلبية بالشكل ده!!!!
لو كانت دى سنة الحياة يبقى انا مش عايزاها
انا رافضه اكون مجرد ماريونيت
ارفض اكون فأر تجارب :(